100-M halaga ng cocaine, natagpuang lumulutang sa dagat ng Isabela

 

Hindi bababa sa 100 milyong pisong halaga ng cocaine ang natagpuang lumulutang sa karagatang sakop ng Divilacan, Isabela, Martes ng umaga.

Ayon kay Sr. Inspector Jonathan Ramos, hepe ng Divilacan police, nadiskubre ang droga sa loob ng dalawang asul na plastic container ng ilang operator ng speedboat na napadaan sa lugar.

Laman ng mga container ang walong bag ng cocaine na tinatayang nasa 21 kilo na balut na balot ng packaging tape.

Agad namang itinurn-over ng lokal na pamahalaan ang natagpuang droga sa Philippine Drug Enforcement Agency.