Gordon: Pambu-bully kay dating Sec. Garin hindi mangyayari sa Senado
Mariing binatikos ni Sen. Richard Gordon ang ginawang pag-atake ng mga galit na galit na mga magulang na ang mga anak ay naturukan ng Dengvaxia vaccine
Sa ginagawang pagdinig ng Senate Blue Ribbon Committee at ng Committee on Health, binalaan ni Gordon na hindi mangingimi ang komite na parusahan ang sinuman na gagawa ng kaparehas na dahas sa sinumang resource person na inimbitahan ng dalawang komite na nag-iimbestiga sa Dengvaxia vaccine
Iginiit ni Gordon na kaya nga isinasagawa ang Senate investigation ay upang maiayos ang lahat ng problema kinakaharap at maibsan ang pangamba ng mga magulang lalo na ang mga naturukan ng Dengvaxia.
Sa pagdinig sa Kamara kahapon dinumog ng mga galit na magulang si Garin sa elevator.
Samantala, umapela naman si Garin sa mga magulang na huwag pairalin ang mob mentality at nanawagan na kung may mga reklamo kaugnay sa dengue vaccine ay idaan na lamang sa korte ang usapin.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.