Dalawang multi-mission off-shore vessels ng BFAR itatalaga para magbanta sa Benham Rise
Tutulong din ang Department of Agriculture (DA) sa pagbabantay sa Philippine Rise o Benham Rise.
Ito ay matapos na ipag-utos ni Pangulong Rodrigo Duterte ang pagpapatigil sa lahat ng foreign groups o scientists na magsagawa ng pag-aaral sa nasabing lugar dahil pag-aari ito ng Pilipinas.
Ayon kay DA Sec. Manny Piñol, itatalaga ng Bureau of Fisheries and Aquatic Resources (BFAR) ang dalawa nitong bagong Multi-Mission Off-shore Vessels na BRP Lapu Lapu at BRP Francisco Dagohoy.
Ang dalawang barko ay tutulong para i-monitor ang posibleng presensya ng mga dayuhan sa Benham Rise.
Una nang sinabi ng pangulo na dahil ang Benham Rise ay pag-aari ng PIlipinas, tanging ang mga Pilipino lamang ang papayagan na magsagawa ng research sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.