Ayon kay AFP Spokesperson Col. Edgard Arevalo, ang banta ng CPP-NPA ay nagpapakita lang ng tunay na kulay ng mga komunista na walang interes sa kapayapaan.
Dagdag pa ni Arevalo, may banta man o wala ay laging handa ang AFP na protektahan ang publiko at kanilang sarili laban sa mga pag-atake ng mga kalaban ng gubyerno.
Tiniyak pa ni Arevalo na hindi magpapatinag ang militar sa layuning isulong ang peace and development at infrastructure development sa mga kanayunan, sa kabila ng banta mula sa CPP-NPA.
Samantala, panig naman PNP, sinabi ni PNP Chief Dir. Gen. Ronald ‘Bato’ Dela Rosa na sa ngayon ay nasa ‘attack mode’ ang pambasang pulisya at wala umano silang magagawa kundi idepensa ang kanilang mga sarili kung sakaling aatake ang mga CPP-NPA terrorists.