Japanese warship nasa Pilipinas para sa goodwill visit

Nasa bansa ngayon ang isang Japanese warship para sa dalawang araw na goodwil visit.

Sinalubong ng Philippine Navy ang JS Amagiri lulan ng 200 officers na dumaong sa Maynila.

Ipinahayag ni Capt. Koji Sato na parehong pinahahalagahan ng Pilipinas at Japan ang malaya at bukas na karagatan batay sa international law o freedom of navigation.

Layunin ng pagbisita ng Japanese warship na paigtingin ang ugnayan ng dalawang bansa.

Nagbibigay ng ayuda at kagamitan ang Japan sa Pilipinas para palakasin ang kakayanan ng militar sa gitna ng pag-aagawan ng teritoryo sa South China Sea.