3 empleyado ng DOJ sinibak dahil sa pagkakasangkot sa anomalya sa visa processing
Sinibak ni Justice Secretary Vitaliano Aguirre II ang tatlong empleyado ng Department of Justice (DOJ) na sangkot sa anomaly sa pag-proseso ng visa sa Bureau of Immigration (BI).
Ayon kay Aguirre, inamin mismo ng tatlo ang pagkakasangkot nila sa anomalya.
Hindi pa naman inilabas ni Aguirre ang pagkakakilanlan ng tatlo pero nakatakda na aniyang magsampa ng kaso ang DOJ laban sa mga ito.
Isasailalim din sila sa immigration lookout bulletin order upang mabantayan ang kanilang kinaroroonan.
Dahil sa insidente, nanawagan si Aguirre sa lahat ng empleyado ng DOJ na iwasan ang masangkot sa anomang uri ng korapsyon dahil tiyak aniyang may kalalagyan ang mga ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.