Limitasyon sa mga TNVS hindi muna itutuloy ng LTFRB
Hindi muna itinuloy ng Land Transportation Franchising and Regulatory Board o LTFRB ang utos nitong limitahan sa 45,000 ang Transport Network Vehicle Services sa Metro Manila.
Put on hold ang LTFRB Memorandum Circular 2018-003 matapos utusan ng Department of Transportation ang ahensya na pag-aralan muna ang hakbang.
Ayon kay LTFRB Chairman Martin Delgra, balik muna sa dating listahan ng mga TNVS at pag-aaralan ang demand ng serbisyo.
Sa ngayon ay papayagan ng LTFRB ang iba’t-ibang uri ng TNVS na bumiyahe sa Metro Manila basta sila ay accredited.
Kabilang dito ang mga Sedan, AUV at Hatchback cars na unang pinag-aaralan ng ahensya na i-ban.
Sa pagtaya ng Grab Philippines, nasa animnapung libong TNVS ang nagseserbisyo sa mga pasahero sa kalakhang Maynila pero hindi pa ito sapat.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.