Pagpapa-rehistro sa mga bloggers dapat ipatupad ayon kay Pacquiao

By Ruel Perez January 30, 2018 - 07:20 PM

Photo: Ruel Perez

Iminungkahi ni Senator Manny Pacquiao na magkaroon ng lisensya o permit mula sa pamahalaan ang mga bloggers upang hindi maabuso ang karapatang sa pamamahayag.

Sa ginawang pagdinig ng Senate Committee on Public Information and Mass Media ukol sa fake news na pinamumunuan ni Senator Grace Poe, ipinaliwanag ni Pacquiao na kapag hindi nakarehistro ang mga bloggers ay nadadamay iyung mga may mabubuting intensyon.

Giit ni Pacquiao, hindi rin dapat magtago ng pagkakakilanlan ang mga bloggers na malayang nakapagbibigay ng below the belt na banat sa sinuman.

Ayon naman kay Professor JJ Disini ng UP College of Law, ang suhestyon ni Pacquiao ay labag sa Konstitusyon dahil kontra ito sa freedom of speech.

Katwiran naman ng Kapisanan ng mga Broadcaster ng Pilipinas o KBP at ni Communications Secretary Martin Andanar, may mga umiiral ng batas laban sa pagkakalat ng fake news o maling mga impormasyon.

TAGS: andanar, bloggers, KBP, Pacquiao, poe, senate, andanar, bloggers, KBP, Pacquiao, poe, senate

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.