Mga available na portalet sa Metro Manila, pinadadala sa Albay ni Pangulong Duterte
Inatasan ni Pangulong Rodrigo Duterte ang Armed Forces of the Philippines (AFP) na dalhin ang lahat ng available na portalet sa Metro Manila patungo sa Albay.
Ito ay para magamit ang mga portalet ng mga bakwit na nananatili ngayon sa iba’t ibang evacuation center dahil sa pag-aalburuto ng bulkang Mayon.
Ayon sa pangulo, dapat masiguro na magiging maayos ang hygiene at sanitation ng mga bakwit para hindi magkaroon ng outbreak ng iba’t ibang uri ng sakit.
Inatasan na rin ng pangulo ang Department of Health na tutukan ang kalusugan ng mga bakwit.
Kasabay nito, itinalaga ng pangulo si Political Affairs Adviser Francis Tolentino bilang pinuno sa pangangasiwa sa mga pangangailangan sa Albay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.