3 sugatan sa banggaan ng dalawang sasakyan sa Cavite
Sugatan ang tatlong katao sa aksidente ng naganap sa Noveleta, Cavite Biyernes (Jan. 26) ng madaling araw.
Sangkot sa aksidente ang isang L300 van at isang 6-wheeler truck sa kahabaan ng Centennial Road.
Ayon sa Philippine Red Cross, naganap ang aksidente alas 2:03 ng madaling araw na agad nirespondehan ng kanilang teams mula sa Cavite chapter.
Dinala sa Divine Grace Hospital ang tatlong hindi nakilalang mga nasugatan.
Kapwa naman yuping-yupi ang unahang bahagi ng dalawang sasakyan dahil sa lakas ng pagkakabangga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.