Zero budget sa mga hindi susuporta sa pederalismo, biro lang ayon kay HS Alvarez

By Chona Yu January 22, 2018 - 11:02 AM

Nagbibiro lamang si House Speaker Pantaleon Alvarez nang pagbantaan ang mga lokal na pulitiko na walang matatanggap na budget mula sa gobyerno kapag hindi sinuportahan ang pederalismo.

Ayon kay Alvarez, hindi niya magagawa ang naturang banta dahil ang mga budget proposal ng mga local government officials ay kinakailangan na aprubahan ng senado.

Iginiit pa ni Alvarez na maari naman niyang gawin ang hindi pagbibigay ng budget sa mga kongresista at sa iba pang lokal na opisyal na hindi susuporta sa pederalismo pero maari naman itong baliktarin ng senado.

Sinabi pa ni Alvarez na kung nakapagbitiw man siya ng mga pagbabanta ito ay dahil sa naging prangka lamang siya pero hindi naman niya ipipilit na suportahan ang pederalismo.

Una rito, sinabi ni Alvarez na hindi niya bibigyan ng budget ang mga lokal na opisyal ng pamahalaan kapag hindi sinuportahan ang charter change sa pamamagitan ng constituent assembly para makamit ang hinahangad na pederalismo.

 

 

 

 

 

 

 

 

 

 

 

 

 

 

 

TAGS: charter change, house speaker, Pantaleon ALvarez, charter change, house speaker, Pantaleon ALvarez

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.