Lava fountain, nasaksihan sa Bulkang Mayon
Nasaksihan ang lava fountain na lumabas mula sa Bulkang Mayon, Lingggo ng gabi.
Naitala ng Philippine Institute of Volcanology and Seismology (PHIVOLCS) ang lava fountain na sumirit mula sa bulkan na may taas na 500 metro, ganap na 10:45 kagabi.
Kasabay ng pagbuga ng lava ng bulkan ay ang pagbuga din nito ng ash plume na hindi pa natutukoy kung gaano kataas ang inabot.
Natangay patungo sa direksyong southwest ang nasabing ash plume na bumagsak sa bayan ng Guinobatan.
Nagsimula sa mahina lamang ang paglabas ng lava mula sa Bulkang Mayon na kalaunan ay bahagya pang lumakas at umabot sa 500 metro, na nagmistulang isang paputok.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.