Libreng edukasyon sa mga batang may kapansanan isinulong sa Senado

By Ruel Perez January 15, 2018 - 04:02 PM

Inquirer file photo

Isinusulong ni Senador Sonny Angara ang panukalang batas na mabigyan ng libreng edukasyon ang lahat ng batang may kapansanan sa buong bansa.

Sa Senate Bill 1331, inirekomenda ni Angara ang pagtatayo ng Inclusive Education Learning Resource Centers (IELRC)sa lahat ng pampublikong eskwelahan.

Layon ng panukala na makatiyak na lahat ng kabataan na may kapansanan ay makatutuntong nang libre sa mga paaralan mula kindergarten hanggang high school.

Kabilang sa panukala libreng edukasyon ang mga batang may neuropsychological retardation, may learning disabilities, autism, emotional o behavioral disorder, may diperensya sa pandinig at paningin, mga may kapansanang pisikal at iba pang di pangkaraniwang kalagayan.

Bibigyan ng scholarship, allowance at libreng transportasyon, pagkain, libreng aklat at maaari ring sumailalim sa student loan programs, training programs, at iba pang insentibo na may kinalaman para sa kanyang edukasyon ang mga sakop ng panukala.

TAGS: Angara, autism, free education, high school, kindergartem, Angara, autism, free education, high school, kindergartem

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.