Retrieval operations sa naganap na landslide sa Tacloban, patuloy pa rin

By Justinne Punsalang January 14, 2018 - 05:40 PM SHARE(S):

 

Mula sa Delta Alexuy Volunteer

Nagpapatuloy ang search, rescue, and retrieval operations ng City Disaster Risk Reduction Management Office (CDRRMO) sa naganap na pagguho ng lupa gabi ng Sabado, January 13 sa Barangay 43, Tacloban City, Leyte.

Dahil sa walang patid na malalakas na pag-uulan ay nahihirapan ang rescue team na mahanap ang tatlo kataong hinihinalang na-trap sa loob ng isang bahay na natabunan ng gumuhong lupa.

Inanunsyo na rin ng CDRRMO na bukas, araw ng Lunes, January 15 ay walang pasok sa elementarya at high school, pribado at pampubliko sa buong lungsod ng Tacloban.

Ito ay dahil na rin sa patuloy na pag-uulan na nararanasan sa lugar.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.