Warning sa mga residente ng Hawaii tungkol sa ballistic missile threat isa lamang pagkakamali

By Justinne Punsalang January 14, 2018 - 06:25 AM SHARE(S):

Nilinaw ng United States Pacific Command (USPACOM) na walang ballistic missile threat sa Hawaii.

Ito ay matapos makatanggap ng official text message ang mga residente ng Hawaii na pinaghahanda ang mga ito na mayroong paparating na pag-atake.

Ayon sa USPACOM, wala silang nakikitang banta ng ballistic missile sa Hawaii.

Ayon pa sa naturang ahensya, isa lamang pagkakamali ang pamamahagi ng naturang mensahe.

Ang naturang insidente ay naganap sa kasagsagan ng tensyon sa pagitan ng Estados Unidos at North Korea, partikular na ang pagtutol ng US sa paggawa ng NoKor sa mga intercontinental ballistic missile (ICBM).

Ilang beses nang nagbanta si North Korean President Kim Jong-un na paglulunsad ito ng missile sa Estados Unidos.

Marami nang mga opisyal ng pamahalaan ng Estados Unidos ang naglabas ng mga pahayag na naglilinaw na walang banta ng ballistic missile sa Hawaii at ito lamang ay isang false alarm.

Sa ngayon ay wala pang nailalabas na pahayag si US President Donald Trump tungkol sa naturang insidente.

TAGS: Hawaii Ballistic Missile Threat, United States Pacific Command (USPACOM), Hawaii Ballistic Missile Threat, United States Pacific Command (USPACOM)

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.