Iloilo City Rep. Treñas, ipinasususpinde ng Sandiganbayan
Sinuspinde ng Sandiganbayan si Iloilo City Representative Geronimo Treñas ng 90 na araw dahil sa kinakaharap na paglabag sa Section 13 ng Republic Act 3019 o Anti-Graft and Corrupt Practices Act.
Ito ay kaugnay sa umano’y maanomalyang paglalabas ni Treñas ng P500,000 sa Iloilo Press Club (IPC) noong siya pa ang alkalde sa lungsod.
Ang naturang pondo ay nagmula umano sa Priority Development Assistance Fund ni Senadora Loren Legarda.
Ipinag-utos na rin ng korte ang pagpapadala ng kopya ng resolusyon ng implementasyon ng suspension order ni Treñas kay House Speaker Pantaleon Alvarez.
Samantala, sinabi naman ni Treñas na nirerespeto nito ang judicial porcess at makikipag-ugnayan kay Alvarez hinggil sa suspensyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.