2 naitalang patay sa sobrang lamig sa Central America

By Jay Dones January 03, 2018 - 12:30 AM SHARE(S):

 

Dalawa katao na ang iniulat na namatay sanhi ng labis na lamig na umiiral ngayon sa Central America.

Ayon sa US National Weather Service, malaking bahagi ng Midwest ang nababalot sa sobrang lamig na umaabot sa minus 36 degrees Celsius sa ilang lugar, partikular sa South Dakota.

Nasira na ng kasalukuyang temperatura ang dati nang record na lamig na hindi pa nababasag sa loob ng 99 na taon.

Ayon sa Milwaukee County Medical Examiner’s Office, 2 bangkay ang nadiskubre sa magkahiwalay na lugar na hinihinalang mga biktima ng hypothermia.

Isa pang bangkay na natagpuan malapit sa isang ilog sa Bismarck, North Dakota ang isinasalang sa otopsiya upang matukoy kung hypothermia rin ang ikinasawi nito.

Kinansela na rin ang klase sa Indianapolis dahil sa sobrang lamig.

Dahil dito, patuloy ang paglalabas ng wind chill advisories sa mga residente ng south Texas hanggang sa Canada, Montana at Wyoming hanggang New England.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.