Ecstacy at cocaine, nasabat sa isang buy bust operation sa Quezon City

By Angellic Jordan December 31, 2017 - 05:28 PM

Nasamsam ng Quezon City Police District ang ilang liquid ecstacy at cocaine sa isinagawang buy bust operation sa bahagi ng Timog Avenue, Quezon City.

Arestado ang tatlong babae at isang lalaking suspek sa operasyon.

Ayon kay QCPD Director Chief Supt. Guillermo Eleazar, nakuha sa mga suspek ang mahigit 30 gramo ng cocaine at 200 tabletas ng ecstacy kasama pa ang apat na bote ng liquid ecstacy.

Paliwanag nito, mahalaga ang isinagawang operasyon ngayong Bisperas ng Bagong Taon dahil mayroon aniyang ilan na nagdiriwang ng Bagong Taon na lango sa droga.

Samantala, nagkaroon na aniya ng surveillance and intelligence monitoring ang QCPD bago isinagawa ang operasyon.

Katuwang namang QCPD ang Philippine Drug Enforcement Agency (PDEA) sa operasyon.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.