Mga artista, nakiisa sa panalangin tungkol sa pagkawala ni Ica Policarpio

By Justinne Punsalang December 24, 2017 - 01:40 AM SHARE(S):

Nakiisa ang mga kilalang artista, atleta, at mga media influencers sa pakikisimpatya at pagdarasal para makauwi na ang labingpitong taong gulang na si Patricia ‘Ica’ Policarpio, na nawala matapos umalis ng isang coffee shop sa Muntinlupa, hatinggabi ng Huwebes.

Ayon sa ama ni Ica na si Rufino Policarpio, umalis ang anak bandang 11:30 ng gabi sa coffee shop at iniwan nito ang kanyang mga gamit, kabilang ang kanyang cellphone at laptop.

Sa pagpapatuloy ng paghahanap kay Ica ay ginamit naman ng mga celebrities ang kanilang social media accounts, partikular na ang Twitter at Instagram, gamit ang hashtag na #FindIca para ipalaganap ang tungkol dito at ipanalangin ang kaligtasan ng dalaga.

Kabilang sa mga nag-share sina Anne Curtis at asawang si Erwan Heussaff, Gretchen Ho, Camille Prats, Ciara Sotto, maging si Mega Star Sharon Cuneta, at marami pang iba.

Samantala, gumawa na ang Southern Police District (SPD) ng special task force para sa paghahanap kay Ica.

Para sa mga may impormasyon tungkol sa kinaroroonan ni Ica, ay maari lamang na tawagan ang numerong 0917-894-6893.

TAGS: Ica Policarpio, Ica Policarpio

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.