Hontiveros di susuporta sa pagpapatalsik kay Gordon sa Blue Ribbon
Walang plano si Senator Risa Hontiveros na sundan ang naging hakbang noon ni Senator Antonio Trillanes na isulong na matanggal bilang chairman ng komite si Senator Richard Gordon.
Ito ay kahit pa ikinadismaya ni Hontiveros at ng ibang mga senador ang paraan ng paghawak ni Gordon, bilang Chairman ng Senate Blue Ribbon Committee ang pagdinig ukol sa kontrobersyal na Dengvaxia vaccine.
Nagrereklamo si Hontiveros, maging sina Sen. Franklin Drilon at Kiko Pangilinan dahil hindi umano binigyan ni Gordon ng sapat na oras para magtanong sa mga resource person sa nakalipas na hearing.
maging si Senator JV Ejercito na Chairman ng Committee on Health na katuwang sa imbesigasyon ay aminadong hindi rin masyadong nakasingit sa pagsasalita ni Gordon.
Samantala, umaasa si Hontiveros na makikinig si Gordon sa mga negatibong feedback laban sa kanya para hindi na maulit ang kanyang naging asal sa mga susunod pang pagdinig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.