Isang dismissed na pulis, kabilang sa arestado sa drug buybust operation sa Cubao, QC

By Justinne Punsalang December 17, 2017 - 03:44 AM

Kabilang ang isang dating pulis sa naaresto matapos magkasa ng buy bust operation ang Quezon City Police District Station 7 sa isang hinihinalang drug den sa Banahaw Street, Barangay San Martin de Porres, Cubao, Quezon City.

Kinilala ang mga suspek na sina Calixto Peralta Jr. na isang dating pulis, Rey Peralta, Carolyn Peralta, Carol Santiago, Alexander Bonoan, at Marlon Puyat.

Nasabat mula sa mga suspek ang 14 na plastic sachet na naglalaman ng hinihinalang shabu, P900 cash, at P500 buybust money. Tinatayang nasa P7,000 ang street value ng droga.

Ayon sa hepe ng QCPD Station 7 na si Superintendent Louis Tremor, pangunahing target ng kanilang ikinasang operasyon si Rey Peralta.

Ayon umano sa mga kapitbahay ni Peralta, labas masok sa bahay nito ang mga tao na bumibili dito ng iligal na droga.

Inamin ni Peralta na gumagamit ito ng shabu. Ngunit itinanggi nito na siya ang may-ari ng mga narekober na shabu.

TAGS: buy bust operation, dismissed police arrested, QCPD Station 7, buy bust operation, dismissed police arrested, QCPD Station 7

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.