Bagyong Urduja, nag-landfall na sa Eastern Samar

By Rohanisa Abbas December 16, 2017 - 03:39 PM

Tumama na sa kalupaan ang Tropical Storm Urduja sa Eastern Samar dakong ala-1:00 ng hapon.

Ayon sa PAGASA, huling namataan ang bagyo sa bisinidad ng San Policarpio.

Bahagyang bumilis ang Bagyong Urduja sa 15 kilometro kada oras pa-kanluran.

Napanatili nito ang lakas ng hanging aabot sa 80 kilometro kada oras habang bahagyang lumakas ang pagbugso nito na aabot sa 110 kilometro kada oras.

Nakataas ang Signal No. 2 sa:
-Albay
-Sorsogon
-Masbate, kabilang ang Burias at Ticao Islands
-Romblon
-Northern Samar
-Eastern Samar
-Samar
-Biliran
-Leyte
-Aklan
-Capiz; at
-Northen Iloilo

Nasa ilalim naman ng Signal No. 1 ang:
-Southern Quezon
-Mindoro
-Marinduque
-Catanduanes
-Camarines Norte
-Camarines Sur
-Cuyo Islands
-Calamian Group of Islands
-Antique
-Nalalabing bahagi ng Iloilo
-Guimaras
-Negros Occidental
-Northern Negros Oriental
-Cebu
-Northern Bohol
-Southern Leyte; at
-Dinagat Islands

Nanatiling mapanganib pumalaot sa mga lugar na nasa ilalim ng naturang tropical cyclone warning signals.

Ayon sa PAGASA, patuloy naman ang kalat-kalat hanggang malalakas na pag-ulan sa mga rehiyon ng Bicol at Visayas, at maasahan din ang ganitong panahon sa Southern Quezon, Batangas, Cavite, Laguna, Mindoro Provinces, Marinduque at Romblon.

Pinag-iingat ng PAGASA ang mga residente sa mga lugar laban sa mga pagbaha at pagguho ng lupa.

TAGS: Bagyo, eastern samar, Landfall, Tropical storm, Urduja, Bagyo, eastern samar, Landfall, Tropical storm, Urduja

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.