PDEA: Sa pagtulong NBI mas mapapadali ang kampanya kontra droga
Welcome sa Philippine Drug Enforcement Agency (PDEA) ang pagbabalik sa war on drugs ng National Bureau of Investigation (NBI).
Kasunod ito ng pagbibigay ni Justice Sec. Vitaliano Aguirre sa NBI ng go-signal para magsagawa ng mga anti-drug operations at case build up laban sa mga lumalabag sa Republic Act 9165 (Comprehensive Dangerous Drugs Act of 2002).
Matatandaang inilabas si Sec. Aguirre ang DOJ Department Order (DO) No. 778 noong December 6, 2017 na nagpapawalang bisa sa DO No. 670 na inisyu noon namang October 13, 2017 na nag-uutos sa NBI na suspendihin ang mga anti-illegal drug operation nito.
Ayon kay PDEA Director General Aaron Aquino, kumpleto na ulit sila at malaki ang maitutulong ng NBI-Task Force Against Illegal Drugs (TFAID) sa paghabol sa mga high-value targets habang ang PNP ay tututok sa illegal drug trafficking at street-level na bentahan ng droga.
Natutuwa aniya sila dahil maaari na ulit sila magsagawa ng all-out war laban sa droga kasama ang mga kapaw nila alagad ng batas mula sa PNP at NBI.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.