P5-M na halaga ng shabu, nasabat ng PDEA sa buy-bust sa Maynila; 4 arestado

By Mark Makalalad December 04, 2017 - 01:32 AM

 

Aabot sa P5-M halaga ng shabu ang nasabat ng mga tauhan ng Philippine Drug Enforcement Agency.

Sa isang buy-bust operation sa Brickstone Hotel, MH Del Pilar, Manila pasado alas-5:30 ng hapon ng Linggo, nakuha ng PDEA mula sa 4 na katao ang 1 kilo ng shabu.

Naaresto sa naturang operasyon ang 2 high valued targets na pawang mga Chinese na sina Hu Li Yue, 54 at isang alyas Tony, 44.

Kasama rin sa mga naaresto ang 2 Pinoy na sina Albert Ferrer, 37 at Bealyn Abaja, 18.

Pinangunahan ng Eastern District Office ng PDEA-NCR ang operasyon makaraang makatanggap ng intelligence sa iligal na gawain ng 4.

Sasampahan ng kaso ang 4 ng paglabag sa Section 5, Article II of RA 9165 o Comprehensive Dangerous Drugs Act of 2002.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.