Singer ng ‘love anthem’ ng AlDub, posibleng bumisita sa bansa
May bagong aabangan ang milyun-milyong mga sumusuporta sa tambalang AlDub.
Ito’y dahil may posibilidad na bumisita sa bansa ang singer ng kantang ‘God gave me you’ na nagsisilbing ‘love anthem’ ng sikat na tambalan sa hinaharap.
Si Bryan White, ang kumanta ng naturang awitin na sumikat noong 1999.
Simula nang nakilala ang ‘kalyeserye’ na kinatatampukan nina Alden Richards at Maine ‘Yaya Dub’ Mendoza, muling sumikat din ang naturang kanta.
Dahil dito, ilang mga twitter followers ng AlDub ang nag-tweet kay White (@bryan_white) at humihiling na bumisita ito sa bansa.
Kanina, ipi-nost ni Twitter user AlDubForTheBigBoyz™ (@AlDubBigBoyz ) ang serye ng mga video clip na ipinapakita ang mang-aawit na nagbibigay ng mensahe sa kanyang mga Pinoy fans.
“I just wanna say a big thank you to all of my Filipino fans and Asian fans out there,” I’ve been very excited about all that’s happening with ‘God Gave Me You.’” pahayag ni White.
“I can’t thank you enough for the support … I love the song so much to this day.
“I just wanna thank you so much. I’ve been thinking about that all day. I promised we’re to see you soon. We‘re actually working right now on the tour in the Philippines. We will definitely see you very soon,” dagdag pa ni White sa kanyang mensahe.
Kahapon umabot sa mahigit 11 million tweets ang gumamit ng hashtag na #ALDUBMostAwaitedDate nina Alden Richards at Maine Mendoza.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.