Gilas Pilipinas, wagi vs Chinese Taipei sa FIBA Asia qualifiers
Wagi ang Gilas Pilipinas laban sa katunggali nitong Chinese Taipei upang makuha ang 2-0 win sa qualifiers ng 2019 FIBA Basketball World Cup.
Sa score na 90-83, naungusan ng Gilas ang Taipei na todo-umarangkada sa ikaapat na quarter ng labanan.
Nagtulung-tulong sina Matthew Wright, Roger Pogoy at Jayson Castro sa fourth quarter upang lamangan ng pitong puntos ang kalaban.
Gayunman, ang ipinakitang sigasig at 17 points at walong rebounds ni June Mar Fajardo ang nagsilbing susi upang tuluyang maipanalo ang laban.
Kay Castro naman nagmula ang huling apat na puntos upang ganap na makawala ang Gilas Pilipinas sa paghahabol ng Chinese Taipei.
Sa Feruary 22 sa susunod na taon, makakaharap naman ng Gilas ang kasalukuyang FIBA Asia Champion na Australia para sa second leg ng Asian qualifiers.
Ang Australia at Pilipinas ay kapwa may 2-0 standing at kapwa nasa first place sa Group B ng qualifiers.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.