Nasunog na gasolinahan sa Mandaluyong City iimbestigahan na rin ng DOE
Pumasok na ang Department of Energy sa imbestigasyon kaugnay sa nasunog na Petron gasoline station sa Mandaluyong City kahapon.
Sa kanilang advisory, sinabi ng DOE na pansamantalang susupendihin ang compliance certificate ng nasabing gasolinahan na matatagpuan sa kahabaan ng Shaw Boulevard sa nasabing lungsod.
Gustong alamin sa pamamagitan ng gagawing imbestigasyon kung nasinod ba ang safety protocol kaugnay sa naganap na sunog.
Kapag napatunayang nagkaroon n kapabayaan sa mga ipinatutupad na safety standards ay tuluyan nang makakansela ang permit ng nasabing Petron gas station.
Tatlo ang sugatan sa nasabing sunog na nagsimula makaraang tamaan ng back hoe ang isang LPG tanker.
Sinasabi naman sa paunang imbestigasyon ng mga tauhan ng Bureau of Fire Protection na hindi dapat pinayagang pumuwesto sa harapan ng gasolinahan ang isang fishball vendor dahil ito ang umano ang naging source ng open fire kaya nagkaroon n makaling sunog.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.