Pagpapalawig sa Martial Law, ibabatay sa rekomendasyon ng PNP at AFP – Duterte

By Rhommel Balasbas November 19, 2017 - 04:41 AM

Iginiit ni Pangulong Rodrigo Duterte na ang desisyon sa posibilidad ng pagpapalawig sa Martial Law sa Mindanao ay ibabatay niya sa rekomendasyon ng militar at pulisya.

Ito ay matapos ang pahayag ng Armed Forces of the Philippines (AFP) na maaari pa ngang palawigin ang batas militar dahil na rin sa patuloy na operasyon ng mga awtoridad laban sa iba pang local terrorist groups.

Ayon sa Pangulo, lubha siyang dedepende sa kung anong sasabihin ng AFP at ng Philippine National Police (PNP) dahil kapag may kaguluhan ay sila naman ang rumeresponde.

Sumasang-ayon din siya sa naging assessment ng militar na kailangan pang ipagpatuloy ang paglaban sa iba pang terror threats sa Mindanao.

Samantala, matapos ang kanyang pagbisita sa Marawi City kahapon, suportado naman ni Sen. JV Ejercito ang martial law extension sa Mindanao.

Ani Ejercito, makakatulong ang pagpapatuloy ng batas militar upang malinis ang buong Mindanao sa mga loose firearms.

Mahalaga anya ito upang maging business-friendly ang rehiyon.

TAGS: AFP and PNP, Marawi City, Martial Law extension, President Rodrigo Duterte, AFP and PNP, Marawi City, Martial Law extension, President Rodrigo Duterte

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.