P5M ayuda sa Marawi, ipinaabot ng lokal na pamahalaan ng Taguig
Ipinaabot ng lokal na pamahalaan ng Taguig City ang limang milyong pisong ayuda para sa Marawi City.
Una nang nagbigay ng 1.5 million pesos worth of goods ang Taguig City sa kasagsagan ng giyera sa Marawi City.
Ayon kay Taguig City Mayor Lani Cayetano, ang limang milyong pisong ayuda ay ilalaan para sa early child care and development at skills training.
Gayunman, hindi pa matukoy kung anong partikular na skills training ang kanilang isasagawa para sa mga residente ng Marawi City.
Ani Cayetano, kinakailangan pa nilang tukuyin kung ano ang kanilang pangunahing pangangailangan nang naayon sa kanilang kultura.
Samantala, nangako rin ang Taguig City na maging sister city ng Marawi City, gaya ng Davao City.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.