Maagang pag-alis sa bansa ng Laos Prime Minister ipinaliwanag ng Malacañang
Nagpaliwanag ang Malacañang sa maagang pag-alis ni Laos Prime Minister Thongloun Sisoulith .
Ayon kay Presidential Spokesman Harry Roque, mayroong state visitor ang prime minister sa Vientiane.
Dagdag ni Roque, ito ang dahilan kung kaya maagang umalis ng pilipinas si Sisoulith.
Ganap na alas-siyete pa mamayang gabi ang closing ceremony ng 31st Asean Summit summit at pag-hand over ni Pangulong Rodrigo Duterte ng ASEAN Chairmanship sa Singapore pero hindi na ito nahintay ng Laos Prime Minister.
Matatandaang lumipad na palabas ng Pilipinas si Sisoulith kagabi.
Bukas ay nakatakda nang umalis sa bansa ang karamihan sa mga dumalo sa ginaganap na ASEAN Summit.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.