Combat operations sa Marawi City, tapos na ayon kay Lorenzana

By Cyrille Cupino October 23, 2017 - 01:57 PM

FB PHOTO: SCOUT RANGER BOOKS

Tuluyan nang natapos ang bakbakan sa Marawi City.

Ito ang inanunsyo ni Defense Sec. Delfin Lorenzana, eksaktong limang buwan mula nang magsimula ang giyera.

Dahil dito, hawak na ng pamahalaan ang Marawi, at napatay na ang lahat ng mga natitira pang teroristang Maute at Abu Sayyaf.

Ayon kay Col. Romeo Brawner Jr. ng Task Force Ranao, nagresulta ang limang buwang bakbakan sa pagkakapatay ng 920 na miyembro ng teroristang grupo.

Pero mayroon pa ring ilang bangkay na humigit-kumulang 50 ang bilang ang patuloy pa ring nire-recover at pino-proseso ng SOCO.

Samantala, aabot naman sa 165 na pulis at sundalo ang nalagas sa panig ng gubyerno, kabilang na dito ang dalawa na kahapon lamang narecover.

Ang dalawang bangkay, ayon kay Brawner ay sunog ang katawan ng isa, habang ang isa naman ay pinugutan ng ulo.

Sa kabuuan, aabot naman sa 1,780 ang bilang ng mga hostage na na-rescue ng pamahalaan, at 864 na armas rin ang nakuha ng militar.

 

 

 

 

 

TAGS: afp ends combat operations in marawi, combat operations in marawi terminated, Maute Terror Group, afp ends combat operations in marawi, combat operations in marawi terminated, Maute Terror Group

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.