PNP-HPG, magpapakalat ng 500 katao para sa ASEAN Summit
Aabot sa 500 katao ang ipapakalat ng Philippine National Police Highway Patrol Group para sa gaganaping 31st ASEAN Summit.
Ayon kay HPG Spokesperson Sr. inspector Jem Delantes, nakahugot na sila sa mga kinakilangang tao mula sa iba’t ibang rehiyon sa bansa at ito ang magsisilbi nilang augmentation force.
Paliwang ni Delantes, all set na ang HPG sa paparating na event at nasa bahagi na sila road familiarization para sa dadaanan ng mga head of state.
Tinatayang 28 head of state ang kumpirmadong darating kasama ang 28 spouses.
Para sa head of states, 5 motorskilo ang nakaposisyon at 2 mobile ang nakapagitan sa VIP Car.
Habang 2 motor naman ang naka gwardya sa harapan ng VIP car at isang mobile patrol ang nakaantabay para sa mga asawa ng head of states at mga defense ministers.
Dagdag pa ni Delantes, naihanda na nila ang kanilang mobility assets at nakapag isyu na rin sila ng helmet, reflective vest, radio at raincoats para sa kanilang mga personnel.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.