Duktor, 2 retiradong pulis, 6 na iba pa, arestado sa drug buy-bust operations a QC
Arestado sa ikinasang drug buy-bust operation ng Quezon City Police District (QCPD) ang isang practicing doctor, dalawang retiradong pulis at anim na iba.
Ayon kay QCPD Director, Chief Supt. Guillermo Eleazar, unang isinagawa ang operasyon laban kay Mark Anthony Pangilinan alyas Makmak at ka-live in nitong si Maybelle Tulang sa Barangay Doña Imelda.
Sa nasabing operasyon, itinuro ni Makmak na sa isang duktor ang supplier niya ng shabu at ilang buwan na siyang bumibili dito.
Dahil dito, natunton ng mga operatiba ang kinaroroonan ni Dr. Amante Valdepenas, at dalawang kasama nitong retiradong pulis na kinilalang sina retired PO3 Almario Cristobal at retiored PO1 Rommel Nogoy.
Mariing itinanggi ni Valdepenas na isang orthopedic doctor na nagbebenta siya ng shabu, pero mismong ang mga naarestong kasama nito ang nagtuturo sa kaniya.
Nakuhanan ang grupo ng 8 pakete ng shabu.
WATCH: Mga naaresto sa buy-bust operation sa QC; kinabibilangan ng 1 practicing doctor, 2 retired police at 6 na iba pa | @isaavendanoDZIQ pic.twitter.com/Enf4P17s5v
— RadyoInquirer990AM (@dzIQ990) October 11, 2017
Ayon kay Cristobal, nagsimula siya sa paggamit ng ilegal na droga mula nang siya ay magretiro at nakilala niya si Valdepenas makaraang magrekomenda siya dito ng isang pasyente.
Nadakip din ang kinakasama ni Cristobal na si Leni de Guzman.
Habang itinanggi naman ni Nogoy na gumagamit siya ng droga at sa halip, sinabi niyang kakilala niya lang ang duktor.
Dinakip din ang driver ng duktor na si Raymond Valle.
Pansamantalang ikinulong ang mga naaresto sa Galas Police Station.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.