Empoy Marquez, wish na maging leading lady sina Liza Soberano at Kaye Abad
Nangunguna sa wish list ng mga leading lady na nais makapareha ng tinaguriang millenial leading man na si Empoy Marquez ang mga aktres na sina Liza Soberano at Kaye Abad.
Sa grand press conference ng kanyang bagong pelikula na “The Barker”, sinabi ni Empoy na bagaman open siya na makatrabaho ang sinuman artista, kung papipiliin siya ay sina Liza at Kaye ang kanyang gusto.
Sa kabila ng kanyang tinatamasang tagumpay ngayon dahil na rin sa una niyang hit film na “Kita Kita”, nilinaw ni Empoy na hindi siya magiging choosy sa mga proyektong ibibigay sa kanya.
Sinabi ni Empoy na igagalang niya kung anuman ang magiging pasya ng management pagdating sa kanyang career o sa mga makakasama niya na leading lady.
Pero kung papipillin siya kung anong klase ng pelikula na gusto niyang gawin, nais niyang bumida sa remake ng classic film ni Dolphy na “Ang Tatay Kong Nanay”.
Sa ilalim ng Blank Pages Productions at Viva Films, mapapanood na nationwide sa October 25 ang “The Barker” ni Director Dennis Padilla na pinagbibidahan nina Empoy at Shy Carlos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.