Narco-Politics sa bansa, malala ayon sa Malacañang
Iginiit ng Palasyo na lubhang malala ang problema sa droga ng bansa lalo pa’t napasok na rin nito pati ang gobyerno.
Sa isang pahayag, sinabi ni Presidential spokesman Ernesto Abella ang lawak ng narco-politics kasunod ng pagsuko ni Sarangani Mayor Aniceto Lopez kay Sen. Manny Pacquiao.
Matatandaan na noong Biyernes, sumuko si Lopez kay Pacquaio at ni-raid ng pinagsanib na pwersa ng Philippine Drug Enforcement Agency (PDEA), militar at pulisya ang kanyang rest house kung saan nasamsam ang 5-milyong halaga ng shabu, mga armas at pampasabog.
Ani Abella, ang naturang insidente ay malinaw na larawan ng narco-politics sa bansa.
Dahil dito, muling nanawagan ang opisyal ng pagsuporta sa giyera kontra droga ng administrasyon.
Ayon kay Abella, nakadepende ang pag-unlad kontra iligal na droga sa suporta at kooperasyong natatanggap mula sa bawat isang mamamayan, Simbahan at mga komunidad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.