Mga kukuha ng bar exams sa Nov. 12, inabisuhan ng Korte Suprema sa road closure sa Roxas Boulevard
Inabisuhan ng Korte Suprema ang mga kukuha ng bar examinations sa susunod na buwan hinggil sa ipatutupad na rpad closure sa Roxas Boulevard.
Sa inilabas na abiso sa twitter, pinayuhan ng Supreme Court (SC) ang mga kukuha ng pagsusulit dahil ang ikalawang linggo ng exams ay matatapat sa aktibidad para sa 31st Association of Southeast Asian Nations (Asean) Summit.
Sa November 12 na 2nd Sunday ng November at ikalawang linggo ng bar examinations sa University of Santo Tomas (UST) ay isasara ang Roxas Boulevard base sa nakuhang impormasyon mula sa Manila Police District na nangangasiwa sa security preparations sa lugar para sa ASEAN Summit.
Dahil dito, sinabi ng Korte Suprema na dapat iwasan ng mga kukuha ng pagsusulit ang Roxas Boulevard patungo sa UST sa nasabing petsa para hindi sila maabala.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.