3 patay sa salpukan ng motorsiklo at owner-type jeep sa Silang, Cavite
Tatlo katao ang nasawi sa salpukan ng motorsiklo at owner-type jeepney sa bayan ng Silang, Cavite, Huwebes ng gabi.
Patay lahat ang ng lulan ng motorsiklo makaraang mabangga ng owner-type jeepney sa kahabaan ng Bgy. Biga Uno dakong alas 8:30 ng gabi.
Sa inisyal na ulat, minamaneho ng suspek na si Alex Rañola ang jeep sa kahabaan ng Aguinaldo Highway sa kasagsagan ng malakas na ulan nang masalpok nito ang kasalubong na motorsiklo lulan ang tatlong biktima.
Dahil sa lakas ng banggaan, nasawi ang mga biktimang sina Francis Avila, Emerson Reyes at Sunny Llorico na pawang mga lulan ng motorsiklo.
Patuloy ang imbestigasyon ng mga otoridad sa nasabing aksidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.