Petisyon para sa dagdag-singil sa taxi, inaprubahan ng LTFRB
Inaprubahan na ng Land Transportation Franchising and Regulatory Board (LTFRB) ang petisyon para sa pagtataas ng singil sa taxi.
Sa inilabas na kautusan, inilatag ng LTFRB ang bagong fare system sa mga taxi na bumibiyahe sa NCR at sa mga lalawigan maliban sa Cordillera Administrative Region (CAR).
Ayon sa ahensya, permanente nang P40 ang flag down rate sa mga taxi.
Binigyan din ng pahintulot ang mga taxi na magpataw ng P13.50 per kilometer sa distance travelled at P2 kada minuto sa travel time mula sa pinanggalingan ng pasahero patungo sa destinasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.