17 na bihag ng Maute, nailigtas sa Marawi

By Mark Gene Makalalad October 04, 2017 - 01:34 PM

Labingpito pang bihag ang nadagdag sa bilang ng mga naisalba ng mga militar mula sa kamay ng teroristang Maute.

Ayon kay Department of Defense (DND) Secretary Delfin Lorenzana, 9 sa mga nailigtas ay mga lalaki habang 8 naman ay mga babae.

Tinataya namang nasa 18 hanggang 75 ang edad ng mga na-rescue.

Tumanggi namang magbigay ng karagdagang detalye si Lorenzana kung paano at kailan nailigtas ang mga ito.

Matatandaang kamakailan ay 4 na panibagong bihag ng Maute terrorist group ang nailigtas ng tropa ng pamahalaan.

Dahil sa panibagong mga naisalba, nasa mahigit 20 na lamang ang mga bihag na tinatanyang naiwan sa mga Maute.

 

 

 

 

TAGS: 17 hostages rescued, Marawi City, Maute, Radyo Inquirer, 17 hostages rescued, Marawi City, Maute, Radyo Inquirer

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.