Drug suspect patay sa buy bust operation sa Santa Maria, Bulacan
Patay ang isang drug suspect matapos nito umanong manlaban sa mga pulis sa ikinasang drug buy bust operation sa Barangay Poblacion sa bayan ng Santa Maria sa Bulacan.
Kinilala lamang ang target ng naturang operasyon at suspek sa alyas na Manok.
Ayon sa hepe ng Santa Maria Police na si Police Superintendent Raniel Valones, bumili ang isang pulis na nagpanggap bilang isang buyer mula kay alyas Manok ng isang sachet ng shabu na nagkakahalaga ng limandaang piso.
Nang aktong huhulihin na ang suspek ay bigla umano itong bumunot ng baril at pinaputukan ang pulis na katransaksyon.
Dahilan ito upang gumanti ng putok ang mga otoridad na nagresulta sa pagkamatay ni alyas Manok.
Patuloy pa ang imbestigasyon ng mga otoridad sa naturang insidente.
Samantala, maswerte namang hindi natamaan ang pulis na nagpanggap na buyer matapos itong paputukan ni alyas Manok.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.