87 katao, sugatan matapos bumangga ang sinasakyang barko sa rock formation sa Romblon
Sugatan ang hindi bababa sa 87 katao makaraang bumangga ang isang pampasaherong barko sa isang rock formation sa Romblon.
Mula sa Odiongan, pumalaot ang M/V Matilde ng Montenegro Shipping Lines patungo sa Romblon, Romblon nang tumama ito sa malaking rock formation sa bahagi ng Calatrava dakong alas-4:30 ng umaga.
Sakay ng barko ang 251 pasahero.
Ayon kay Supt. Imelda Tolentino, information officer ng MIMAROPA Police, sinabi ng kapitan ng barko na si Bernardino Canapit na nagresulta sa “zero visibility” ang malakas na pag-ulan.
Dagdag ni Tolentino, isinalaysay ng isang tauhan na nagkaroon ng stirring problem o problema sa pagmamaneho ang barko.
Napinsala rin ang hindi bababa sa apat na sasakyan na karga ng barko.
Dinala sa pinakamalapit na opsital sa pantalan ng Romblon Island ang mga biktima.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.