3 sugatan sa bangaan ng dalawang bus sa EDSA
Tatlo ang sugatan matapos magbanggaan ang dalawang bus sa kahabaan ng EDSA-Orense sa Makati.
Sangkot sa aksidente ang isang Nova Bus at isang Nafti bus na umano’y nagkakarera sa kahabaan ng EDSA kaya nagbanggaan.
Wasak ang windshield ng Nafti Bus habang tama naman sa likod ng bus ang tinamo ng Nova Bus.
Ayon sa MMDA Road Emergency Group, kabilang sa mga nasugatan ang isang babaeng pasahero at dalawang lalaki kabilang ang driver ng bus.
Nagtamo ang mga ito ng minor injuries at agad dinala sa ospital.
Nagdulot naman ng matinding traffic sa northbound lane ng EDSA ang nasabing aksidente.
3 sugatan sa banggaan ng dalawang bus sa EDSA-Orense, Makati; matinding traffic nararanasan | @CyrilleCupino pic.twitter.com/DN9mtqEgUh
— RadyoInquirer990AM (@dzIQ990) September 25, 2017
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.