Impeachment complaint, sinagot na ng kampo ni Chief Justice Maria Lourdes Sereno

By Erwin Aguilon September 25, 2017 - 10:57 AM

Kuha ni Erwin Aguilon

Nagsumite na ng kaniyang ‘reply’ si Chief Justice Maria Lourdes Sereno sa impeachment complaint na isinampa laban sa kaniya.

Sa pamamagitan ni Atty. Justin Mendoza, isinumite ang 85 pahinang tugon ni Sereno sa tanggapan ng secretary general ng kamara.

Hindi pa kasama sa nasabing bilang ang 15-pahina na pawang annexes.

Ngayon Lunes, Sept. 25 ang ika-10 araw na ibinigay ng komite para maghain ng kaniyang sagot si Sereno sa reklamong impeachment na inihain ni Atty. Larry Gadon.

Kasama ang sagot ni Sereno sa magiging batayan ng komite upang matukoy kung may probable cause ang inihaing impeachment laban sa kanya.

Sa magiging pagdinig sa determination of probable cause sinabi ng pinuno ng komite na si Oriental Mindoro Rep. Reynaldo Umali, welcome para sa kanila kung personal na haharap sa si Sereno upang sagutin ang mga alegasyon.

Si Sereno ay inaakusahan ng culpable violation of the Constitution, betrayal of public trust, corruption, and other high crimes.

 

TAGS: Impeachment complaint, Maria Lourdes Sereno, Radyo Inquirer, Impeachment complaint, Maria Lourdes Sereno, Radyo Inquirer

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.