UST marketing student, lumutang sa MPD, sinabing siya at hindi si John Paul Solano ang nasa CCTV

By Rod Lagusad September 22, 2017 - 02:15 PM

Inquirer Photo | Dexter Cabalza

Lumutang ang isang marketing student ng University of Santo Tomas (UST) sa Manila Police District (MPD)

Kasama ng estudyante ang mga kinatawan ng UST Security Investigation para personal na sabihin na siya ang nasa kuha ng CCTV na ipinakita ng MPD sa media.

Sa ginawang presscon kasi ng MPD, sinabing ang suspek na si John Paul Solano ang nakita sa CCTV kasama si Horacio Atio Castillo III sa labas ng Dapitan gate ng UST.

Kuha ang nasabing CCTV footage noong alas 11:40 ng umaga ng Sept. 16 sa Dapitan Street.

Tumanggi naman nang magpa-interview sa media ang marketing student.

Una nang umani ng batikos sa social media ang pahayag ng MPD hinggil sa nasabing CCTV footage.

Ayon sa netizens, imposible ang iginigiit ng MPD na si Solano ang nakita sa CCTV dahil ang suot na uniporme ng estudyante sa video ay para sa kursong marketing at hindi sa pang-Law.

Sa kabila ng mga batikos, pinanindigan pa ng MPD ang kanilang pahayag.

 

 

 

 

 

TAGS: hazing, horacio castillo, jjohn paul solano, Manila Police District, metro news, raydo inquirer, UST, hazing, horacio castillo, jjohn paul solano, Manila Police District, metro news, raydo inquirer, UST

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.