Masbate, niyanig ng magnitude 4 na lindol
By Dona Dominguez-Cargullo September 21, 2017 - 01:09 PM
Niyanig ng magnitude 4 na lindol ang lalawigan ng Masbate.
Ayon sa Philippine Institute of Volcanology and Seismology (Phivolcs) naitala ang pagyanig sa 13 kilometers southeast ng Claveria.
Naitala ang lindol alas 11:39 ng umaga ng Huwebes, September 21.
Tectonic ang origin ng lindol na may lalim na 13 kilometers.
Dahil sa nasabing lindol, naitala ang Intensity II sa Legaspi, Albay at Intensity I naman sa Masbate City.
Wala namang inaasahang pinsala na maidudulot ang nasabing lindol.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.