Pahinante ng truck, patay sa aksidente sa San Juan

By Dona Dominguez-Cargullo September 13, 2017 - 10:22 AM

Nasawi ang isang pahinante ng delivery truck sa aksidenteng naganap sa San Juan City.

Ang truck helper na si Joven Taboso ay tumilapon palabas ng sasakyan makaraang mabangga ito sa center island sa Barangay Greenhills.

Matapos ang pagbangga, tumagilid pa ang truck at bumagsak sa katawan ni Taboso na ikinasawi nito.

Ayon sa driver ng truck na si John Mark Sospo, mayroon siyang iniwasan na pampasaherong jeep kaya kinailangan niyang kabigin ang manibela.

Patungo sa palengke ng San Juan ang truck para mag-deliver ng karne nang mangyari ang aksidente Miyerkules ng umaga.

 

 

 

 

 

 

TAGS: accident, delivery truck, metro news, Radyo Inquirer, san Juan, accident, delivery truck, metro news, Radyo Inquirer, san Juan

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.