Bagyong Maring, tatawid sa bisinidad ng Metro Manila, Rizal at Bulacan
Tumama na sa kalupaan ng Mauban, Quezon ang bagyong Maring kaninang alas 9:00 ng umaga.
Huling namataan ang bagyo sa bisinidad ng Laguna taglay ang lakas ng hangin na aabot sa 60 kph at pagbugsong aabot sa 100 kph.
Ayon sa PAGASA, ngayong hapon, inaasahang tatawid ang bagyo sa Metro Manila, Rizal at Bulacan at magdudulot ito ng malakas na ulan na may malakas na hangin sa nabanggit na mga lugar.
Kumikilos pa rin ang bagyo sa direksyong West Northwest sa bilis na 15 kilometers bawat oras.
Nakataas pa rin ang public storm warning signal number 1 sa mga sumusunod na lugar:
- Metro Manila
- Bataan
- Cavite
- Laguna
- Batangas
- Rizal
- Camarines Norte
- Camarines Sur
- Northern Quezon
- Polilio Island
- Southern Aurora
- Bulacan
- Pampanga
- Nueva Ecija
- Tarlac
- Zambales
- Pangasinan
Sa Biyernes pa inaasahang lalabas ng bansa ang bagyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.