8 sugatan sa pagtagilid ng pampasaherong jeep sa Pasig City
Tumagilid ang isang pampasaherong jeep na sa may Ortigas Avenue, Pasig City kaninang alas nueve ng umaga.
Walo ang naitalang nasugatan na pasahero na lulan ng jeep na may plakang DVC 479 at may byaheng papuntang Binangonan Rizal.
Agad na dinala ang mga nasugatan sa The Medical City at Rizal Medical Center kung saan sila binigyan ng paunang lunas.
Ayon kay MMDA Officer Demcy Castigo, mabilis na tinatahak ng drayber ang Ortigas Avenue nang bigla itong sumalpok sa gilid ng kalsada at tumagilid.
Sinubukan pa umano nitong tumakas ngunit nahuli rin agad ng isang traffic enforcer.
Dinala na sa Eastern Police District ang drayber kung saan siya iimbestigahan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.