Babae, patay sa pamamaril sa Maynila

By Justinne Punsalang September 03, 2017 - 04:29 AM

Patay ang isang babae matapos pagbabarilin ng hindi pa nakikilalang suspek sa Port Area, Maynila.

Kinilala ang babaeng biktima na si Lolita Dela Cruz, tatlumput apat na taong gulang na residente ng Tondo.

Ayon sa inisyal na impormasyon mula kay Police Officer 3 Roderick Magbale, mayroong isang saksi sa pangyayari.

Ayon umano dito, narinig niya ang mainit na pagtatalo ni Dela Cruz at isang lalaki sa lugar. Matapos nito ay bigla na lang nakarinig ang saksi ng putok ng baril.

Nang tingnan niya kung ano ang nangyari, ay nakita niyang nakahandusay at wala nang buhay si Dela Cruz na may tama ng bala sa kanyang kaliwang mata.

Samantala, pinaghahanap na ng pulisya ang salarin sa pamamaslang kay Dela Cruz.

TAGS: manila, Pamamaril, Tondo, manila, Pamamaril, Tondo

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.