Holdaper, arestado sa Payatas, Quezon City
Nasukol ng mga pulis ang isang holdaper na nambiktima ng isang driver sa Brgy. Payatas, Quezon City.
Ayon mismo sa biktimang si Michael Senina, nilalakad niya ang kalsada ng Everlasting sa Payatas nang bigla siyang lapitan ng suspek nang makita nito na ginagamit niya ang kaniyang cellphone.
Paglapit ng suspek na nakilalang si RJ Mon Iringco, bigla na nitong sinaksak si Senina, na nagawa namang iwasan ng biktima.
Doon na nakuha ng suspek ang gamit ni Senina.
Gayunman, sariling ama naman ni Iringco ang nagsumbong sa kaniya sa barangay at mga pulis kaya siya naaresto.
Walang trabaho si Iringco na aminadong gumagamit rin ng iligal na droga.
Hindi naman napigilan ni Senina ang galit sa suspek na nagawa niya pang sapakin nang muli silang magpang-abot.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.